OKB: Në shtëpi janë kthyer 74 mijë sirianë

15:36 | 29 Tetor 2019
Arbresh.info

Zëdhënësi i Zyrës së Kombeve të Bashkuara për Koordinim të Çështjeve Humanitare (OCHA), Jens Laerke, tha se në rajonin e përfshirë nga operacioni “Burimi i Paqes” në Siri, nga 23 tetori janë kthyer 74 mijë civilë, raporton Anadolu Agency (AA).

Laerke për AA tha se në fillim të operacionit të cilin forcat turke e nisën në verilindje të Sirisë u njoftua se rreth 180 mijë civilë janë shpërngulur.

“Prej tyre, 106 mijë nuk janë kthyer ende, por të paktën 74 mijë sirianë janë kthyer,” tha Laerke.

Laerke theksoi se bëhet fjalë për të zhvendosurit brenda vendit.

Forcat turke më 9 tetor nisën operacionin ushtarak “Burimi i Paqes” në verilindje të Sirisë me qëllim të eliminimit të elementeve terroriste të YPG/PKK-së nga rajoni, për sigurimin e kufirit turk dhe mundësimin e kthimit vullnetar të refugjatëve sirianë. Operacioni mbron edhe integritetin territorial të Sirisë.

Shpërndaje në rrjete sociale

Lajmet më të lexuara

Të ngjashme

Foto lajm